WANAFUNZI 33 WA UON AKIWEMO MIKE JACOBS WATIMULIWA

Naibu Chansela wa Chuo cha Nairobi Prof Peter Mbithi akihutubiwa wanahabari

Ben Kirui

Wanafunzi 33 akiwemo mpinzani mkuu wa Babu Owino Mike Jacobs, wametimuliwa kutoka chuo kikuu cha Nairobi kwa kushiriki katika maandamano ya hivi majuzi.

Naibu chansela wa chuo hicho profesa Peter Mbithi amesema wanafunzi wengine 25 wametumwa nyumbani huku wengine 143 wakionywa kwa kushiriki vurugu hizo.

Hata hivyo usimamizi wa chuo hicho umewapa msamaha wanafunzi wengine 17 waliotuhumiwa kushiriki katika machafuko hayo.

Wakati huo huo Mbithi amesema wataangazia katiba ya muungano wa wanafunzi wa chuo hicho SONU ili kuzuia vurugu katika siku za baadaye. 

Wanafunzi hao walishiriki maandamano kulalamikia uchaguzi wa babu Owino kama mwenyekiti wa muungano wa wanafunzi SONU.

Chuo hicho kimetangaza rasmi kufunguliwa tena kwa mabewa yake Jumatatu wiki ijayo baada ya kufungwa kwa muda usiojulikana mapema mwezi huu.